CARANE NGIDUPANG BAYU( BAHASA BALI)

CARANE

NGIDUPANG BAYU

Umur  manuse digumine dijaman modern secara umum yen nu  ngude liunan  nu  seger,normal.. Kewale yen  sube  40 tahun ngemenkang bayun manusane liunan mulai  ngendukang  lan bise gen  bayun manusane seolah-olah mati atau ngelempayung tanpe bayu.

Rikale  sube   waktune  bayune  mati, biar  kuat  ngajeng tileh gen mati bayu. Kuat ngajeng boye ngai   tambah mebayuan tapi malah ngundang penyakit. Rikale hidupe  mati bayu  sinah  liunan anake  ngeduung  lan metakon pedidi  adi buke kene  bayune, ijo kaden lakune bayune.

Kondisi  awak mati bayu to mule  salah satu masalah  ne umum  bakal  kealamin ajak mekejang  yan  sube  waktune memaluan  lan medurian.  Tapi yen  hidup  ngelah jiwa optimis  atau ade harapan  hidup  kembali  seger mebayuan tentu  berusaha bahwa sebilang  masalah pasti  ade solusine.

Dalam hal ne  yen  hidup ngerasaang mati  bayu  pasti ade gen solusine,  pasti ade gen carane  ngidupan bayu   pang kembali  hidup  bayune.  Jiwa oftimis to ne dadi  dasar ngeranaang bayune  bise mewali  idup.

.

I.TEHNIK NGIDU

Ngidu  dijalikane  negak samping  jalikane  rikale  semengan nu kedinginan   to dadi  anggon teori ngidupang bayu.  Sebab yen teletekang adan jalikan, paon, nulukang kayu, lan api  jalikan    ade tuturte atau maknane.. Ade  pelajaran singkat  disetiap kata  ne anggon adan  jalikan, paon,  nulukang kayu  lan  api jalikane. Pelajaran singkat   to care kepanjangan kata  dibeten :

1.      Ngidu  kepanjanganne  ngidupang bayu,

2.    Api   kepanjangane  “atmane pusat idup” .

3.    Jalikan kepanjangane “japemantre delikang  ragane”

4.    Paon kepanjangane  paling oon-oonan.

5.    Tungku kepanjanganne “tunggu aku...

6.    Dapur kepanjangane “damai pusatnya ROH.

7. Kayune tulukang kepanjangane  kayune  tulusang”

8.Semprong kepanjangannya “semprot   aji pernapasan pang plong  “ 

9. Boo  kepanjangannya “bengoong olog-olog pong”...

PENJELASAN.

Api  ne ade  dijalikane to  simbol Atme.  Atme  to pusat idupe  sane  ngeranaang ade  bayu dideweke. Atmane perlu ingetang pang mebayuan hidupe. Idup  rikalale    mati bayu  endihan  api  atmane  gambarane  care  api  sane  merupe  boo.  Keadaan  hidupe  yen endihan atmane  care boo   liunan irage  bengong  lonto  care  anak olog-olog pong  tur  paling oon-oonan manut  kepanjangan kata  paon.

 Sewaktu  umure  ngude   bayune  seger to pertanda  endihan  Atmane gede murub care  api jalikane  nemurub.  Keneh  galang  akal  cerdas  hidup liang  keto kondisi    nu  ngude  ulian  endihan  Atmane nu ngendih murub.. Kayun  ne  melah –melah  nu liu ade dihati dadi bahan bakarne  ne ngeranaang endihan atmane murub.

Rikale  kayun  nemelah ne ade dijeroning  hati  sube  telah  tunjele  ken Atmane ditu  biasane  endihan Atmane  nyenikang.  Yen depinin kati  mati  ditu sube  bayune kerasaang mati  care  kepanjangan  boo  lan paon  diduwur.

Apang tusing kanti paling oon-oonan  dini  sube pentingne manuse  harus  berusaha  ngidupang  endihan Api  atmane  pang kembali murub.  Yen atmane buin  murub atau hidup  sinah  bayune kembali  hidup.

Carane ngidu atau ngidupang  Atmane pang murub  tuah kembali  nyelepang kayun atau keneh ke tengah hati. Kenehe/ kayune abe keAtmane  ne ade ditengah hati. Carane ngabe keneh keAtmane   ne ade  ditengah hati  sesuai kepanjangan kata  Jalikan  iaitu “  Jape mantre delikang ragane”.  Jadi carane ngabe kayun atau keneh keAtmane  tuah  aji  jape mantre. 

Saat mejape mantre    melahne negak mesile  delikang ragane.  Kata  delikang ragane  artinne  tongosang ragane  do kemo-mai ingetang  mejape mantre negak mesile  do malu mikirang gegaen.  Suud mejape  mare  itungan gegaene.

Pang preside  kayune mecelep ke Atmane  penting kayune tulusang  do pamerih, do berharap ape- ape,  do ragu, do  ngambek do mikir  tidong-tidong malu. Mejape doen ulengag malu ne len-len durian itungang disubane suud mejape.

Yen tulus  mejape mantre  sinah kayune mecelep  nembus  Sanghyang Atme.  Saat kayune  nembus  Sang Hyang Atme  ditu sube Atmane  ngendih ngedenang  sane ngeranaang bayune mewali idup.

Pang  enggal  ngendih   atmane  emput-emputin  aji pernapasan  rikale  mejape mantre  sekadi anak ngendihang api dijalikane  meemput  aji semprong.

Sesuai kepanjangan kata Tungku iaitu  tunggu aku,  saat mejape  penting masih berdoa  marep sang Hyang Atme.  Doane  duh  sang Hyang Atma  tunggulah  Aku,  jangan tinggalkan saya”(nyonteng).

Sambil mejape   mantre  misi  doa  care ento sinah  sang Hyang atme ne ade dihatine  bakal ngantosang  nyagain  hidupe lan  ngangsan  ngendih   Atmane.  Rikale  ngendih murub  sinah  hidupe  bakal mebayuan.

Manut  kepanjangan kata dapur iaitu “damai pusatnya Roh”,  pang hidupe merase  damai   roh atau Atme  ne ade dihati pusatne. Kerane  ento  penting ngelah kayun  tulusang  celepang kehatine  aji anteng mejape mantre  semeng lan sanje  kira-kira   setengah jam  ngantos  ajaman..

Tetapi yen sube mati bayu,  kayune nu  meleled  pesu  sinah     sing ade rase  damai, hidupe  bakal   setate paling oon-oonan bengang-bengong laut atmane  melecat  care api jalikane  mati..

Meleled   kepanjangannne  “meled   kanti melented doen kenehe” ken kesenangan indrawi.  Yen sube mati bayu terus  meled doen ken kenikmatan  duniawi  sampai sing eling nyelepang kayun keatmane  mejape mantre  sinah sube selamane   bayune  bakal mati.  Bo sing ade harapan muali seger  oger.

Keranane  ento  ape  sih susahne  tuah  negak mesile mejape mantre  ngucapang mantre  ngantos  ping  500   sampai ping 1000. Nu tuyuhan asane numbeg medendeng  senter surye.    Waktune mejape masih tuah semeng lan sanje paling  mekelo  satu jam. Sisan  waktune  selebihne  nu dadi abe  ngarap gai.   Mejape  doen  sampai sing inget megai masi  tusing  beneh. Ne beneh hidupe inget mejape inget megai.

Yen sube mati bayu atau loyo-loyoan kanggoang  do bes  nyaragin  gae masi  yen mati tusing ngabe ape-ape. Pentingne  rikale tuwuh  wayah    nu nyidaang mebayuan lan sekedar  nyidang  ngajeng  to  sane utame..  Baang  anake ngudaan umurne  sane  sibet  ngalih gae kati peteng lemah  sawirih Endihan Atmane  nu murub.  Wak bo  wayahan  kanggoang santai. Mare bangun  ingetang  kayeh tur mejape malu mare megai.  Sanjane  mejape  malu mare   bareng ngitungan mebalih..

Saang  ngaran  sangHyang Atma,  widdhi  sane ade dihatine.  Penting kayune abe kesang Hyang Atme. Sang Hyang Atme tobo Sang Hyang widhi  tongosne ade dihatine yen  manuse  nu hidup..

Lokasi tangkahe ento  jalikan  song jalikane   ne betenan to lambang  hati terbuka menerima ajaran/saran. Song jalikan ne menek simbol  pikiran hening atau kosong  saat mejape mantre  eling ken Atme doen.

II.TONGOS MEJAPE  NEMELAH.
 

Apang enggal ngerasaang api Atmane  ngendih murub  tongos mejape  ne melah  dialas-alase, digununge,  sisin pasihe, ditongose  sepi..Enggal pesan   murub atmane ditongose  care ento.    Awake kerasaang  enggal seger    sebagai tanda   Api atmane  murub ngendih.. Luas ke alase  sing perlu peteng,  lemahne   sing jadi masalah..  Yen bek ade legu dadi poles aji autan..

Irage  yen  dadi  wong dese  peek alas  ,  biasane luas kealase  sube biase  ngalih saang, Kesempatan ngalih  saang to dadi  anggon sambilang  ngidupang bayu ,  mejape ajebos

Pang  hidupe  sesaian mebayuan   penting    rasa –rasaang  deweke   mare  sekedar oon  enggalin mejape... Yen  sube keliwat oon  nak mule  keweh lan mekeloan    bayune  pacang pulih.. makane  perlu   waspada  pangsing terlalu drop  bayune  elingang  mejape.

Soal mejape mantre  melahne  memang ditempat  tertutup apang endihan atmane engal murub.  Care jalikane  mekribeng  pang idongan ampehang angin. Yen dijumah mejape melahne dikamar  tertutup  lan    yen  negak tatakin aji ape je pangsing langsung  ngantug tanah.

III.PENGERTIAN JAPE MANTRE

  Jape mantre  artine   ngucapang mantre abesik  kanti seliun-liune..  Contoh matre  Om nama Siwaya    yen japaang   mantrane  ento ucapang berulang-ulang  seliun liune.. Keto doen  pengertian jape mantrane    sane  ngeranaang  bayune  bise hidup.

Care anake  ngosok  kayu  ngae api  tuah pebengkungin   ngosok sinah  mesuang api. Keto masih pebengkungin mejape mantre  sinah hidup api atmane  .  Hidup api Atmane   lantas  ia  ngemaang bayu   sane mekerane mebayuan hidupe..

Selain  mantre  OM namah siwa ya,  liu ade mantre  bawak-bawak  ne elenan    care  dibeten  ene:

1.         Hari om

2.         Om Namo  narayana ya,

3.         Om srilakmi ya namah  dll.

Matrane  ento  pilihin besik doenan   tur  ucapang  sedine-dine anggon mejape. doganti-gantine  care anak nganten  setia ken kurenan besik sing pati selingkuh. Kanggoang  yen ngelah  bayu pragat oon  antengin mejape    yen nyidaang  ping 1000  ngucapang mantre mare mereren. Ucapang mantre om santi-santi santi yen sube  suud memantra..

Pangsing   orahane  kene keto ken  anak  ne sing  mau tau keadaan timpal, melahne yen dijumah mejape mengkeb mengkeb dikamare.  Liu  anak  peteng  sing  nawang  agame  menawangan  tur  ngorahang  timpalne  pelih, sesat. Keranane  ento  irage  ne ngerti  kanggoang ngalah  mengkeb mejape  dikamare.  Ngae  tongos  suci  dikamare  kusus  mejape.

1V.KISAH  1000  PATUNG DICANDI PRAMBANAN..

Kisah bandung bondowose  sepetengan  ngai patung kati siu  to  dadi anggon pelajaran   ngidupang bayu dipetengne   ngucapang matre  ngantos penyiunan.

Yen preside    ngucapang mantre  sampai penyiunan  sinah  keyakinanne side   mencapai tingkat  puncak care lorojongrang  dadi patung keseribu.  Tanda-tanda  keyakinane  bo dipucak     bayune  kerasaang seger/mebayuan   asan ragane  lan plong   diperasaan..

V.NGETAP  AWAK.

Motore  pang  bagus   pelaibne   biasane  tiap bulan oline  tape. Keto masih pang  bayune  segeran  awake anak perlu  tapin .Tap  kepanjangane  “ tape brate”.  Hidup perlu  tape brate     sekitar  12 jam   anggon mersihin basang lan  uat-uate  pang aluhan  energine  lancar mengalir..

Saat mepuase  elingang   nambahin oli    suci   manut kepanjangan kata oli iaitu “ojo lali ingete “ artine  do  engsap inget .  Maksudne  elingang mejape  anggon   ngasukan oli suci gune  satwam pang gerakane  lebih gesit.  Energi  satwam  to sebagaipelicin  sane  ngeranaang gerakane  dadi lincahan.

Pang  gerakane  tetap  lincah semelahne  tiap bulan  ingetang mepuase paling bedikne  acepok.  Rajin mepuase mekerane   bersih  basange  lan uate.  Yen sube bersih  sinah  energi lancar mengalir. Hidupe pun segeran dadine  yeng  uate bersih..

Asam  urat, rematik ngilu-ngilu  lakar  idongan  kerasaang  yen terus  inget puase   setiap bulan.  Puasane    singperlu  ngantos  mekelo  cukup  12  jam  doenan   tapi  rutine  ne utame.

VI.UDANG  BUNGKUK.

Udang yen tletekang  awakne  ngenah bungkuk.  Udang bungkuk  gambaran   awake bungkuk  sing nyidaang tegak.  Awake bungkuk sing  nyidaang tegak  umumne ulian mati bayu.

Awak bungkuk mati bayu ulian pikirane bek misi memori sing taen  meapus. Memori dipikirane   ento ngempetin  bayune  sane  mesumber uling sinar  Atme  neade dihatine.

Apang bayune  bangun  pentingne   memori to hapus  aji jape mantre  semeng –lan sanje. Yen  bes bek memori ucapang mantrene  kanti ping 1000  sedine-dine.

Berjuang setiap hari  mejape  ping siu  ngantos lebih sedine-dine   sinah  dalam  waktu  duang mingguan bise gen bayune bise bangun.  Yen sube  bangun  terusang masi sedine-dine mejape.

Tetapi  yen hidupe   care udang  dipikirane  bek misi tain keneh iaitu memori, biasane   tunden mejape  liuanan kirig-kirig care udang mejalan mundur.

Sifat  tamas  neade  dimemorine mengendalikan  mental manusane pang nolak mejape. Sifat tamase  malah mendorong  pang peliat manusane  terus  keduniawi  care matan udang melontod pesu. Sfat tamas  ngelarangin  pikiran manusane mecelep  ke Atmane tur ngelarangin mejape.

Akhirne   dalam kendali  sifat tamas pikirane  ngancan bek memori .Ngancan bek memori duniawi  dipikiran ngeranaang  ngansan kuat sifat tamase. Sifat tamase ento laut ngematiang bayu ,bingung-bingungan lan ngeranaang kepetengan  hidupe.  Kerane  ento lawanin sifat tamase  aji jape mantre pang sing matiange bayune.