carane ngidupang bayu 2019...

Jaman  jani manut kitab  suci  keadanin  jaman kali utawi  kaliyuga. Dijaman kali ketulis dikitab suci umur  manusane   bawak-bawak pesane. Kenyataan dijagate  dijaman modern tuah saje umur manusane   bawak-bawak.  Jaman jani   ngalih umur  satus tahun  asane  ngangsehang.  Diastun ade  manuse  meumur  penyatusan  liunan  tusing nyidaang  ngengken...

Penyebab utama  ne mekerane  umur manusane  bawak-bawak dijaman modern ulian  bayune  enggal  mati. Disubane  mati bayu diastun  kereng  ngajeng  tetep  mati bayu.  Disubane  mati bayu  penyakite liu  ngrubede  ne mekerane engal mulih kegumi wayah. Sawirih eggal mulih kegumi  wayah to mekerane umur  manusane bawak-bawak.

Manuse modern langah ngelah pengetahuan ngidupang  bayune yen bayune  sube mati.  Kerane ento dalam hidup ene yen enu demen hidup digumine atau hidup pang mebayuan digumine penting ngelah pengetahuan anggon ngidupang bayu. Yen sube ngelah pengetahuan  sinah yen  mati bayu pereside  buin  ngidupang  bayu   pang uling oon-oonan   buin mewali seger.

TUTUR NGIDUPANG  API DIJALIKANE.

Jalikan  atau paon merupakan  tongos  ngidupang  api bagi pare  sementon  sami. Dijalikane  tongos ngidupang  api  ento  ditu ade  tutur  ne dadi anggon  petunjuk ngidupang bayu.  Tutur anggon  ngidupang bayu to tuah merupe  singkatan  kata-kata. Kata  jalikan,  paon, kayu,  api  lan semprong, ngidu to mekejang merupe  tutur  singkatan.  Yen kata-kata  ento lantangan  mare tuturne ketawangin care dibeten ene:
1. NGIDU.
Ngidu manut bahasa indonesia  keadanin berdiang diarep jalikane ngendih. Tetujone ngidu di arep jalikane misi api ngendih pang ilang dingine tur pang anget awake..
Geginan ngidu dijalikane to be  ada petunjuk dasar ngidupang bayu. Kata ngidu to petunjuk singkat ngidupang bayu manut kepanjangan kata ngidu sekadi ene "ngidupang bayu".  Dalam hal ene mekin  api to carane ngidupang bayu. Ade sukseman api ne perlu tawangin apang hidupe mebayuan.
Berdiang kepanjanganne " berdiam diri ingat mantra berulang- ulang.. Jadi berdiam diri ingat mantra berulang ulang cara mendekatkan pikiran pada Atma sebagai cara menghidupkan tenaga.

2.API

Tutur  ane ade di kata api  ne dadi anggon petunjuk ngidupang bayu  manut kepanjangan setiap hurup kata api care ene  “Atme pusat  idupe”. Manut kepanjangan  kata  api ento,  ne penting  tawangin jak mekejang Atme   ne ade  dihatine  ento  pusat  idupe ne ngeranaang idup. Sawirih Atme dadi pusat idup otomatis  Atmane    sumber  bayune.

Care api dijalikane bise  gede endihne lan bise mati, keto masi Atme pinake api didewek manuse sebagai pusat idup  nak bise  ngedenang lan nyenikang endihne.  Rikale endih Atmane  cenik  ditu sube  bayune berkurang lan yen mati endihne  mekerane  bayune  mati. Yen sube ngerti tutur apang bayune  idup  ditu bo petingne ngidupang  endihan  atmane pang ngedenang.

Atme ne dihati  ento api kehidupan  ne ngeranaang  bayune  idup.  Atme sebagai api kehidupan  to care  api ne adedibusin motore  ne mekerane    motore idup.  Api atme ne ade dihatine  gambarane patuh  care  api  di  busi motore  ne mekerane  hidup bayune.  Kerane  ento yen  mekite  bayune idup  api dihatine perlu  endihang. Ngidu meekin  api  to simbol  meekang pikiran ke Atmane atau ngingetang sang hyang Atme apang idup tur ngedenang bayune..

3.JALIKAN

Jalikan  ne misi  song bolong  to  lokasi tangkah manuse  ditengahne ade  ruang  hati tongos  sang hyang Atme pinake api Kehidupan ne ngeranaang manuse hidup. Song jalikane ento  simbol hati terbuka  ken ajaran-ajaran atau demen mireng tutur

Tutur  ne ade dikata jalikan   ne dadi anggon  ngidupang bayu manut kepanjangan kata jalikan  care  ene “japemantre  delikang  ragane”.  Kata  delikang ragane artinne oyongang ragane negak mesile   tatkale  mejape  mantre.  Negak mejape mantre  ngucapang mantre berulang-ulang sebilang semeng lan  sanje  ento carane  ngidupang  api Atmane  apang ngedenang..

Seleg mejape mantre  semeng lan sanje  ento carane   ngidupang bayune  yen  merase  bayune mati.Tekun mejape semeng lan sanje  ngantos preside  ngucapang mantre penyiuan awai  sinah  bayune  bakalan idup.  Mejape  ne melah  apang api atmane murub  patutne ditongos tertutup atau agak tertutup care  jalikan mekeribeng..Soal mantrane  pilihin mantre-mantre  bawak  sekadi “om namah siwaya, om namo  narayanaya ,Om Atme tattwatme  sudamam swaha, dll

4.KAYU, SAANG,TULUKANG

Apang ngendih api dijalikane  harus  tulukin  kayu  utawi  Saang  sane kering. Ring tutur  kayu to ngaran  kayun atau keneh(kayu simbol kayun). Saang  ngaran  “sang Hyang Atme”.  Dalam  hal ne  kayun  manuse atau keneh manusene sujatine   bahan bakar  Sang Hyang Atme ne ngeranang    endihan Atmane ngedenang.

Yen mekeneh apang  ngedenang  bayune,  patutne endihan sangHyang Atme ne dihati gedenang.  Kayune atau kenehe abe ke sanghyang  Atma ne ade dihatine.  Jape mantre atau ngucapang mantre dihati berulang-ulang  to  carane nyelepang kayune  apang ketuju sang Hyang Atme dihati.

Kayu pang mecelep kejalikane  harus  tulukang.  Tulukang kepanjanganne “tulusang kayune, ngendih ngedenang”.  Dalam hal ne  pang  kayune preside mecelep kesang hyang atme ne ade di song atineqq  harus  tulusang kayune mejape mantre. Do pamerih tidong-tidong. Tetujune mejapemantre tuah   nyelepang kayune ke   Atmane   dihati.  Yen kayune  bo mecelep   nempel keatmane  care kayu  nempel ajak api dijalikane, api Atmane lakar  nunjel  kayune laut ngendih atmane   care api  ngendih ketulukin kayu.

Disubane  ngendih ngedenang atmane, uli  endihane  ento  memancarkan  sinar tur  ngalirkan  bayu  ne ngeranaang  bayune  seger  mebayuan. Jadi kayun  atau  keneh iragene  dadi bahan bakarne ne ngeranang  endihan atmane  ngedenang. Dalam hal ene  dadi manuse  perlu eling bahwane care   digumine  liu ade  kayu , sekirane  irage digumine  nak liu ngelah kayun. Apang atmene murub ngidupang bayu sepihang kayune  anggon  eling sang hyang Atme pinake kayu anggon saang.

Atmane  ne  miare  irage   dadi  hidup.  Apang  atmane   ngidupin  maang  bayu, irage  patut masi  miare  atme dihatine  apang  ngedenang  endih atmane.  Carane  miare atme  tuah eling  ngorbanang kayun  abe keatmane  lewat mejape mantre  tulusikhlas  apang tunjele ken Atmane rikale semeng lan sanjane doen.

5.SEMPRONG.

Tatkale   ngendihang api disamping  nulukang kayu  pang  apine  enggal  ngendih  penting emput-emput  aji angin   nganggo semprong.  Tutur  sane ade  dikata  semprong  ne dadi anggon ngidupang  bayu, ngidupang api atmane  manut kepanjangan kata  semprong sekadi care ene “Semprot, ngedenang”..

Dalam hal ne  tatkale negak mesile mejape mantre nulukang kayun kejeroning  ati  di tongos atmane apang Atmane ngedenang  perlu masi semprot aji  napas  atau  lakukan pernapasan.  Tarik napas lewat  cunguh  selantangne,  tahan   laut   elebin nafase masi lewat cunguh. Lakukan pernapasan  yen preside  sampai  16x pernapasan.  Saat melakukan pernapasan  terusang mejape mantre  sing suud-suud.

Lewat  praktek pernapasan   ngeranaang api atmane sane  merupe  boo  sinah lakar  ngedenang  ngendih.Disubane  ngedenang   sinah  lakar merase bayune   bangun  tur angetan asan  awake.  Kerane ento  apang enggalan  api dideweke murub  pang mesuang bayu  sambil mejape  elingngang pernapasane atau pranayamane..  yen sube  suuud  elingan ngucapang mantre Om santi-santi,santi,

6. TUNU, NUNU, TUNJEL, PUUN, LEBENG..
TUNU kepanjangane "tulus nuut" . Apang bayune idup harus tulus nuut mejape mantre..
Nunu kepanjangane "nuut nuut"/ nempo nempo.. Yen rage belog sing nawang tutur ingetang gen nuut nuutin timpal mejape mantre.. Seleg nuut mekele kele sinar Atmane ngeranaang dadi anak ngerti.
LEBENG Kepanjangane "lege, bengah". Dalam hal ene yen endihan atmane murub, idup bayune  ngeranaang lege kenehe lan rupane bengah. Rupane seming tanpe bayu  dadi bengah ulian idup bayune.
PUUN kepanjangane "puunah". Dalam halne rase sedih, sebet lan penyakite lakar punah yen Atmane ngedenang endihne.
TUNJEL kepanjangane "tuntunan jelas". Dalam hal ene tuntunan jelas to megune anggon nunjel kayun ring Api Atmane pang  hatine lege tur punah sarwe lare lan penyakite.
7. TUNGKU
tungku adan jalikane dlm bahasa indonesia. Tungku kepanjangane " tunggu aku" artine antosang tiang". Dalam hal ene yen bayune mati  patutne matur ken sang hyang Atme . Carane matur care ene " duh sang hyang Atme  antosang titing, jagain urip tiang mangde seger bayun tiange, Sampunang ratu ngalahin tiang dst" keto arepe matur atau ngomong ajak Atme  dihatine pang mebayuan idupe...

7.API MERUPE BOO.

Boo kepanjangane”bengong, olog-olog pong” lan bongol-bongolan”.  Yen endihan Atmane   care  boo  to mekerane anake  liunan   bengong-bengongan  lan olog-olog pong  sing nyidang kengken.  Yen boone  nu gede  liunan anake   yen orahin bongol-bongolan atau sing  nyak gerunguang ape.  Hidupne  tuah  ngitungan  dewek pedidi.  Dimasyarakat   sing inget mebraye, sing inget gotong royong  pokokne memongol. Orahin mejape masih memongol

Care api  boo  depinin  sing  tulukin  kayu,  sing  semprot  aji  semprong  sinah boone  ngenyenikang.  Keto  masi  yen  enihan  atmane sube  care  boo lantas tetep  memongol,  sing kayun  mejape mantre  nyelepang  kayun  ke Atmane sinah   endihan  Atmane  nyenikang. Disubane  cenik  sinah  ngeranaang  hidupe  tuah bengong olog-olog pong sing nyidaang megai tinggal ngantosang  mati kalahine ken Atmane.
Sube tongosine lan idupine ken Atmane  rikale mati bayu masi sing matur lan seolah olah Sang Hyang Atme  sing berarti ya Atmane tinggal melecat. Disubane melecat sinah tamat idupe. Makane yen nu demen idup penting matur lan rajin mejape mantre.

6.PAON.

Adan  jalikan  ne elenan  Paon.  Tutur  ne ade  dikata  paon manut kepanjangan kata paon care ene “paling oon-oonan”. Yen hidup paling oon-oonan to tandane api Atmane  sube  cenik pesane  care boo mekire  mati. Hidupe  paling, inguh, uyang ulian  sing ade endihan  atme.  Hidupe  dadi kepetengan  yen atmane tusing ngendih. 

Sing ade pegalang dihatine  to mekerane  paling, bingung  lan oon-oonan.. Anake  ne sing mireng tutur,  sing kerungu ken tutur tur  sing nyak mejape mantre    liunan  yen  sube  endihan  Atmane  cenik  lakar paling, oon-oonan.  Disubane paling oon-oonan  mare  ye kemo mai metakon  ngalih jero balian   atau ngalih munyin baas.

Dadi manuse digumine pangsing  paling  dituane elingang mejape mantre tulusang kayune  apang  atmane  ngedenang endihne ne ngeranaang  galang  lan liang idupe. Atmane ento  sundih pegalang keneh lan idep.. Atme ento  ngeranaang   hidup  bebas  sing kepetengan..

MEJAPE  DITONGOS   SEPI

Mejape  ditongos  tongos  sepi  care  di alase,  digununge, sisin pasihe melah  pesane.  Pikirane  enggal tenang  ditongose  ento..  selain pikiran   tenang,   endihan  atmane  enggal  pesan   ngedenang..

Endihan  Atmane  enggal pesan kerasaang yen mejape  ditongose  ento. Pikiran   galang, perasaan plong lan awak iying yen endihan  atmane  ngendih ngedenang. Kerane ento yenmekite bayune  enggal bangun..

Luas ke tongos sepi  care  digununge lan dialase  sing  perlu  petengne  yen  ngelah  rase takut.  Sanjane  jam-jam  teluan gen melah   mejape  ditongose  sepi. Luas ketongos  sepi   sing perlu   ngantos bulanan dialase.  Yen rage  sibuk cukup   ajebos  doenan  mejape dialase . luas kealase  kanggoang   seminggu sekali atau   sebilang bulan..

Luas kealase atau  ke tongos  sepi  anggap to anggon  represing   atau penyegaran mental.  Luas ketongos  sepi mejape matre   ngedenang Atme  to   refresing  ne sujati.  Sebab  kesegaran  ne sujati tekane ulian  enihan api Atmane  ne ngedenang...

TIRTEYATRE.

Tirteyatri kesusun  aji  kata  tirte  ne artine  yeh  suci.  Kata yatre  artine  mejalan.  Yen  gabungang  tirteyare artine  yeh  mejalan  atau yeh  meembah.  Yeh  to   cair  atau  encer.  Dalam halne tirteyatre  artine  bayu ne  encer, mencair meembah.

Bayune  encer , mencair  meembah dideweke  to ulian  demen luas metirteyatre  ketongos tongos  sepi, tempat suci. Di tongose sepi lan suci  ditu   mejape mantre  anggon  ngidupang   api atmane  nengeranaang  bayune  mencair..

Selain  bayu mencair,   akale  lan kecerdasane  milu mencair  yen demen mejapemantre  sambil metirte yatre..  Yen sing demen  metirte yatre  lan mejapemantre    akale lan bayune lakar beku care es.  Sang hyang kame   atau hawa  nafsune mekuang  bayu, akal lan idepe..

Yen sube  beku akale lakar kaku, bayu beku  awake  enggal kaku  lan metambah  sifate dadi kaku.  To hasil  dadi manuse  pragat  nuruti  sanghyang kame  sing  nyak luas metirte yatre  tur mejape mantre.